ჭერის კოაქსიალური ხმამაღლამოლაპარაკე - 100W

DSP7181 არის კოაქსიალური ჭერის ხმამაღლამოლაპარაკე უკანა ხუფითა და 100V ჩაშენებული ტრანსფორმატორით. ჩაშენებული ტრანსფორმატორი საშუალებას გვაძლევს ხმა გადავცეთ შორ მანძილზე მაღალი ძაბვითა და დაბალი დენით, ასევე დავაკავშიროთ ხმამაღლამოლაპარაკეები პარალელურად.

პროდუქტი აღჭურვილია ცალკე დაბალი სიხშირეებისა (Woofer) და მაღალი სიხშირეების (Tweeter) ხმამაღლამოლაპარაკეებით, სწორედ ამაში მდგომარეობს მისი კოაქსიალურობა. აქვს სიხშირის ფართო დიაპაზონი (70Hz-20KHz). მუშაობს როგორც 8Ω დაბალი წინაღობის რეჟიმზე, ისე 100V ხმოვან სისტემაზე (ნომინალური სიმძლავრე: 100W). ტერმინალები განთავსებულია წინა მხარეს მარტივი ინსტალაციისა და რეგულირებისთვის, ხოლო სიმძლავრის შესარჩევი გადამრთველი ღილაკი გვაძლევს შესაძლებლობას მოვარგოთ პროდუქტი სხვადასხვა ფართობისა და ფონური ხმაურის სივრცეებს.

კორპუსი გამოირჩევა განსხვავებული არქიტექტურითა და ფაზინვერტორული დიზაინით, რათა უკეთესი და ღრმა ხარისხის ხმა მივიღოთ დაბალ სიხშირეებზე. წინა მხარეს კი აქვს მტკიცე მეტალის ბადე (Grille), ხოლო შეერთებისთვის გამოიყენება 4-პინიანი Phoenix ტერმინალი.

პროდუქტს აქვს მარტივი, ლამაზი და მინიმალისტური დიზაინი, რაც მარტივად ერწყმის და ეხამება სხვადასხვა ტიპის ინტერიერს.